Internet Journal of Jain Literature
जय जिनेन्द्र : स्तोत्र विभाग

पार्श्वनाथ स्तोत्र

	उवसग्गहरं पासं, पासं वंदामि कम्मघणमुक्कं ।
	विसहरविसनिन्नासं, मंगल-कल्लाण आवासं । । १ । ।

	विसहरफुल्लिंग मंतं, कंठे धारेइ जो सया मणुओ ।
	तस्स गह-रोग-मारी-दुट्ठ-जरा जंति उवसामं । । २ । ।

	चिट्ठउ दूरे मंतो, तुज्झ पणामो वि बहुफलो होइ ।
	नर-तिरिएसु वि जीवा, पावंति न दुःख-दोगच्चं । । ३ । ।

	तुह सम्मत्ते लद्धे, चिंतामणि-कप्पपायवब्भहिए ।
	पावंति अविग्घेणं, जीवा अयरामरं ठाणं । । ४ । ।

	इअ संथुओ महायस! भत्तिब्भरनिब्भरेण हियएण ।
	ता देव! दिज्ज बोहिं, भवे भवे पास जिणचंद । । ५ । ।
	

— रचनाकार : भद्रबाहुस्वामी

Our Concerns
Other useful stuff